1
Er:
I kumm von der Hack'n ham um neune auf'd Nacht
I hab schwer g'arbeit', hab Überstunden g'macht
Hab glaubt, um halberfünfe kann i geh,
doch do siecht mi der Chef no in der Halle steh
und sagt: "gehn'S do wär noch etwas dringendes und
ich brauchert sie da noch fia höchstens ein-zwei Stund"
Nach vier Stund bin i endlich fertig wurn
Es war dann ja a no was anders z'tuan
Bin grennt in ganzen Tag, i man, i tram
Jetzt kräul i scho auf alle viere ham
I schlepp mit Müh und Not mi eine bei der Tür
Hau mi auf'd Couch und moch ma auf a Bier
Ref
Hearst, mir tuan meine Fiass weh!
Die Knia san steif, es brennt die Sohl'n,
na geh de Hack'n verdriaßt mi!
den Chef, den soll der Teife hol'n!
Hab'm mir net irgendwo an Franzbrandwei
Geh, schmier ma damit meine Wadln ei,
A hasses Fuassbad mit Lavendl und Kamüün,
dann wer' i mi a bissl besser fühl'n,
hearst, tuan mir meine Fiass weh!
2
Sie:
I siech de Schuach durt in der Auslag' steh
Und denk ma, hearst , de san ja wirklich schee..
Wann i mir vorstell, dass i's trag, wer' i schwach
Vorn san's ganz spitz, der Absatz ziemlich hoch -
Doch des macht, wia ma sagt, an schlanken Fuaß -
Und mir wird klar, dass i de (unbedingt) hab'm muass!
Kurz gsagt: i kauf de Bock und lass' a glei an,
weil i mir denk, wann du mi siechst, na du wirst schaun!
Doch nach a paar Meter, denk i, mir g'hört a Watschn
Weil jeder Schriad schmerzt und i kann kaum mehr hatschn
Schlepp mi mit Müh und Not bis vor mei Haus,
mach schnell die Tür auf und ziags sofort aus
Ref
Hearst, mir tuan meine Fiass weh!
De Zechn rot, de Fersn blau
Des mit de Schuach, des verdriaßt me,
dass i damit net gehen kau!
Hab'm mir net irgendwo an Franzbrandwei
Geh, schmier ma damit meine Zechn ei
A hasses Fuassbad mit Lavendl und Kamüün,
dann wer' i mi a bissl besser fühl'n,
hearst, tuan mir meine Fiass weh!
3
Beide:
Mir schaun ins Kastl, und zwar "Zeit im Bild"
dass ma si irgendwie "am laufenden" fühlt.
Schließlich is ma Bürger und ma geht a zur Wahl,
des is zwar manchmal a irgendwie a Qual,
doch trotzdem sollt ma si dafür intressiern,
und sich so gut es geht a bissl informiern!
Doch es is schlimm, was i da siech und hör:
die red'n unwahrscheinlich salbungsvoll daher-
die Herrn und Damen der Politikerzunft.
Da fangst zum zweifeln an an deiner Vernunft,
wia uns der fesche Herr Ministeröö
wia er bled grinst und uns sein Mist erzööt!
Ref.
Hearst, da schlaf'n da d'Fiass ei,
was de verzapf'n is zum rehr'n!
Wia kann ma da nur dafia sei,
das die uns da fia bled erklär'n!
S' is kaum zu fassen, was fia Töne der spuckt
und liagt ganz offensichtlich wia gedruckt.
Die solln doch fia uns da sein, denk i ma halt,
denn schließlich wern's ja a von uns bezahlt!
Na, da schlaf'n ma d'Fiass ei!